Hey there!

The best way to contact me is at email@sushant.info.np / (+977)9860043019 / http://facebook.com/esushant. I also maintain my LinkedIn profile at https://np.linkedin.com/in/esushant. Find my GitHub profile here. My research-based projects are updated at ResearchGate. My social media archives are available at http://twitter.com/esushant.

I keep updating My CV and contact information. My Ham Radio QRZ Profile and Logbook can be accessed from here.

Sorry for not being able to post regular updates in this website.


पुरानो स्कुलमा फर्कंदा : एक अनुभव :: Under Construction


बिहान ठ्याक्कै ७:३० बजेको रहेछ आखा खुल्दा|  नित्यकर्म सकेर यसो भान्छा तिर लम्केको, आमाले म उठेको सुइँको पाइओरि गिलासमा चिया हाली कागती निचर्दै हुनुहुँदो रहेछ| एक मुस्कान दिएर गिलास लिएर कोठामा फर्के| ड्रयरमा गोल्डेन कूकिज थियो; बटर फ्लेवरवाला| अस्ति रति एउटीलाई गफ हान्दै आदि पुरिया भ्याएको थिए, बाँकिलाई चियामा डुबाउँदै निले| सिरानी मुनिबाट मोबाइल निकालेर अनलकगरि ओपेरा मिनीको ‘ओ’ आइकनमा ट्वाक्क हाने, लोड हुने बित्तिक्कै होम स्क्रिनमा रहेको फेसबुकको लोगो क्लिक गरेको साढे चार सेकेन्डपछि निउज फिड देखियो| निउज फिड त आज मन्दिरभन्दा चर्को रहेछ: खै के के संस्कृतका श्लोकहरु र फोटाहरुले भरिपुर्ण| मैले हिजो कलेज जाँदा डाटा चलाउँदा पैसा कम काटोस भनेर सेटिंगसमा ‘सो लेस डाटा’ गरेकाले फोटो देखिएका थिएनन् | फिडको सरररर दर्शन गरेर अन्त्यको एक श्लोक नियालेर हेर्न खोजेको, खासै बुझिएन; मेरो मोबाइलमा युनिकोड टुटेफुटेको देखिन्छन्| श्लोक हाल्ने विद्वानहरु को को रहेछन आज भनेर फेरी स्क्रोल अप गरे; आफ्नै साथीभाई रहेछन| आज यी पट्ठाहरु कसरि आयो संस्कृत भनेर सोच्न खोज्दै थिए, आँखाले टुटेफुटेको ‘सरस्वती’ भन्ने शब्द ठम्यायो | अनि बल्ल घैंटामा घाम लाग्यो : आज त सरस्वती पुजा पो हो त|
अतितका सरस्वती पुजाहरु संझे: बिहानै ४ बजे उठेर नुहाएको, स्कुल गएर तोरण टाँगेको, प्रसाद प्याक गरेको, मंच बनाएको, नाचगान गरेको| धत् ! लास्टै अल्छि भइएछ भन्ने सोच्दै एक टुइट हानिदिए :

बिहान ७:३०मा उठेर चिया नास्ता सकेर न्युज फीडमा फोटाे देखेपछी याद आयो : आज त सरस्वति पुजा पो हो त !!
— Sushant Gautam (@eSushant) February 13, 2016

फेरी एक मनले भन्यो: अब त ठुलो भइयो, कहाँ जिन्दगि बच्चा जस्तै चल्छ र ? कलेज पढ्ने हिरोले पनि सरस्वती पुजामा गएर धुप बत्ति बालिराक्छन् र ?, यस्तो सुविचारले मन मस्तिस्क भरिदियो| “स्कुल जाँदैनस ? छिटो तयार हो|” आमाले भान्छाबाटै कराउनु भयो | अर्को तनाब थपियो : हिजो बेलुका खानाखाँदा पहिला पढेको स्कुलका प्रिन्सिपलले फोन गरेर सरस्वती पुजा कार्यक्रममा निम्ता गरेका थिए, मैले भुसुक्कै बिर्सेछु | 

Sushant Gautam

Sushant Gautam

No comments:

Post a Comment

Powered by Blogger.