Hey there!

The best way to contact me is at email@sushant.info.np / (+977)9860043019 / http://facebook.com/esushant. I also maintain my LinkedIn profile at https://np.linkedin.com/in/esushant. Find my GitHub profile here. My research-based projects are updated at ResearchGate. My social media archives are available at http://twitter.com/esushant.

I keep updating My CV and contact information. My Ham Radio QRZ Profile and Logbook can be accessed from here.

Sorry for not being able to post regular updates in this website.


नव वर्ष २०७३को हार्दिक मंगलमय शुभकामना

आजबाट नयाँ बर्ष सुरु हुँदैछ | २०७२ साललाई बिदाई गरेर नयाँ वर्ष २०७३को भब्यताकासाथ स्वागत भइरहेको छ | २०७२ सालको अन्त्य संगै एक युगको अन्त्य भएको छ | हो, यो बर्षभरि लाखौ नेपालीको आँखा रसाउन छाडेनन | २०७२ सालको सुरुवातसंगै आएको विनाशकारी माहा भूकम्पको पिडा माथि छिमेकि राष्ट्र भारतद्वारा लगाइएको अघोषित नाकाबन्दीले नुन छार्किंदा २०७२ यो शताब्दि भरिकै कष्टकर कालखण्ड साबित भयो | दसकौ लामो संघर्ष र जनयुद्धको फल नयाँ संबिधान यही बर्ष प्राप्त त भयो तर छिमेकि राष्ट्रको गिद्धेदृष्टिले र कुकार्यले गर्दा अन्तरिक कलह सुरु भयो | नचाहिने बिषय र मुद्दा झिकी संघर्षरत स-साना राजनीतिक दलहरुलाई विभिन्न प्रलोभन देखाई साम्प्रदायिक दङ्गा निम्त्याएर नेपाललाई विखण्ड गराई रजाई गर्ने प्रपञ्च रचेर आफ्नो मूल रुप र नेपाल प्रति रहेको दृष्टिकोणको समेत स्पष्टीकरण हाम्रो मित्र कहलिएको राष्ट्रले दियो | यो स्पष्टीकरण पाउनु र कष्टकर कालखण्डबाट देश गुज्रिनु नै यो बर्षको मुख्य उपलब्धि हो | यसबाट पाठ सिक्न सके देश अगाडी बढ्ने निश्चित छ |

जलस्रोतको दोश्रो धनि राष्ट्र भनेर किताबमा पढ्न समेत टुकी बत्ति खोज्नु पर्ने र आधा घण्टा बिधुत कटौती घट्दा समेत फुरुंग हुनुपर्ने अवस्थाबाट देश गुज्रिरहेको छ | आफ्नो बालबच्चा पाल्ने सामर्थ अझै देशको छैन – नाकाबन्दि हुँदा भोक भोकै रहनुपरेकोबाट यो स्पस्ट छ | आफ्नै देशमा भएको स्रोतलाई बेवास्ता गरि आयात गरिएका सरसमान प्रयोग गर्ने हाम्रो बनि भइसकेको छ | छोराछोरिलाई विदेश पठाएर रेमिट्यान्सको पैसाले छाती फुलाउँदै स्वदेशमा सानसंग बस्न नेपालीहरु पल्किसकेका छन् | मुख्य समस्या हाम्रो व्यवहारमा छ, र त्यो हो पछी हट्ने बानि |

हो! यो ‘पछी हट्ने बानि’ले कहिलेदेखि नेपालीको मनमस्तिष्कमा जरो गाडेको भन्ने यकिन तथ्यांक गूगल र विकिलाई पनि थाहा रहेनछ | हुन त कत्ति नेपालीहरुलाई यो रोग लागेको छ भनेर पनि पत्यार नहोला किनभने उनीहरु यो कुरा मान्न पनि पछी हट्छन् | मैले थाहा पाए सम्मका राजा महाराजा, भुँडे हाकिम देखि माग्ने लुरे नेपाली सम्ममा यो रोग छ | हुन त अन्य देशहरुमा पनि होला, तर हाम्रो देशमा विकाशको मुख्य बाधकको रुपमा स्थापित रहेकाले हाम्रो लागि यो महत्वपूर्ण छ | र, यो रोग लागेका बिरामीहरु ‘प्रलोभन’ र ‘घुसखोरी’ को गन्ध पाउने बित्तिकै आराम महसुस गर्छन  | यस्ता रोगिहरुलाई  देशभक्तिफोबिया हुन्छ- देशका लागि भन्ने बितिक्कै कुदेर ‘प्रलोभन’ र ‘घुसखोरी’ कै आश्रय लिन पुग्दछन | हो, ति व्यक्तिहरुको प्रगति पनि भएको हुनसक्छ - छोरा यु.यस., छोरि अस्ट्रेलिया, हातमा आई-फोन, रोलेक्स गोल्ड क्लासिक हातमा, पंजेरोको सवारी, आदि आदि | र, समाजमा पनि मानसम्मान पाहिरहेका हुनसक्छन | अनि, ति मनिसहरुको सुचीमा अरु कोहि नभएर तपाई र म नै अग्रस्थानमा पर्दछौ | तर्सर्थ, तपाई र म ठिक भएमात्रै यो रोग निर्मुल हुन्छ | यो वास्तविकता ३ करोड नेपाली जनताले बुझेर ‘पछी हट्ने बानि’ लाई ठिक गरेर हातमा कुटो, कोदालो, खरेटो बोकेर घरबाट निस्किनु पर्ने बेला आएको छ | नाजुक अवस्थाबाट देश गुज्रिरहेको बेलामा देश बनाउनु हरेक नागरिकको कर्तब्य हो- त्यसैले यसमा पछी हट्नुपर्ने कुनै कारण छैन- एक नागरिकको हैसियतले तपाई र मसंग देश बनाउने अधिकार छ |
 
नयाँ भन्ने बितिक्कै हाम्रो मस्तिस्क दङ्ग पर्छ- एउटा बच्चालाई दशैंमा लुगा दिंदा मख्ख परेजस्तो | र, दङ्गिएको मस्तिस्कमा नबिन उर्जापनि थापिन्छ | र, केहि आरम्भ गर्न शुभ साहित कुर्ने हाम्रो चलनसंग पनि यो मेल खान्छ | त्यसैले, यो नयाँ वर्षलाई एक दिनको मनोरन्जनात्मक कार्यक्रममा मात्रै सिमित नराखी एउटा सुभारम्भको साहित बनाउनु जरुरि छ – ‘अघि बढ्ने बानिको’ |

नव वर्ष २०७३को हार्दिक मंगलमय शुभकामना |
Sushant Gautam

Sushant Gautam

No comments:

Post a Comment

Powered by Blogger.